Þrjár kökur

Bara svona af því að grái hversdagleikinn inniheldur lítið myndrænt um þessar mundir, þá datt mér í hug að sýna ykkur myndir af því sem mér finnst alltaf gaman að skoða myndir af. Giskið einu sinni...

Þessa súkkulaðiköku (bara klassísk skúffukaka með smjörkremi) gerði ég í dag fyrir 14 ára afmælisstrákinn minn (besta bróður sem hægt er að hugsa sér) og elsku ömmu og afa sem eiga 55 ára brúðkaupsafmæli í dag. Það voru allir voða hrifnir af Kit-Kat grindverkinu ;)

Þessa nutellaköku gerði ég um daginn þegar við vorum að passa litla bróður. Við Eyþór og Páll Orri borðuðum hana í kvöldkaffi...ok miðnæturkaffi.

Þessi kaka er án gríns ein allra besta kaka sem ég hef smakað. Karamellufíklar - farið í Passion bakaríið í Álfheimum, þar er hægt að fá þennan unað! Við Eyþór og Páll Orri erum komin með hefð, að fara þangað áður en við förum í Laugardalshöllina að horfa á Keflavík verða bikarmeistarar.. við viljum meina að þetta sé orðið happa :)

Eitt ár

Í lok janúar fögnuðum við fyrsta ári Þórbergs Erikssonar sem er lítill vinur okkar Eyþórs en foreldrar hans eru vinir okkar. 

Afmælisbarnið var ekki í pós stuði þegar mamma hans rétti honum ólífuolíusmjörið (nema þetta sé það nýjasta í barnapósum, hvað veit maður svosem.. :)

Drengurinn var alsæll að komast inn í skáp.  

Prinsinn umvafinn vinkonum.

 Ég spilaði afmælissönginn á harmonikku (eða ekki..en ég get oftast ekki staðist hljóðfæri, verð alltaf að prófa að glamra aðeins)

Þórbergur að skora fyrstu körfuna sína en við gáfum honum körfubolta og spjald (jebb ég veit, eðlileg gjöf fyrir 1árs barn..haha)

Bústaðarferð í Bjarkahlíð

Ég var heima hjá foreldrum mínum um helgina að passa litla bróður og ákvað að taka tölvuna ekki með. Það var ekkert smá notalegt að eyða öllum laugardeginum uppí rúmi með latte, kleinuhring með öllu og héðinsbollum úr Sigurjónsbakarí ásamt því að lesa helgarblöðin og tímaritin sem mamma er áskrifandi að. Smá tilbreyting frá öllum blogglestrinum sem ég á það til í að detta í! (er jafnvel að spá í að deila með ykkur nokkrum af uppáhalds bloggunum mínum á næstunni..)

Annars hef ég verið frekar löt að taka upp myndavélina en iphone-myndir verða að duga þessa dagana. 

Við vinkonurnar fórum uppí bústað fyrir nokkrum helgum og það var auðvitað yndislegt eins og alltaf. Við elduðum speltpizzu, vígðum nýja flotta fondúpottinn hennar Ellenar og slúðruðum fram á nótt með hvítvín í hönd. Þetta er það sem ég sakna hvað mest þegar ég bý í útlöndum og því er ég alveg að sjúga í mig allar þær vinkonustundir sem eru í boði á meðan ég er á landinu :)

Ekkert svo mikið étið þessa helgi..

Green Park station christmas pop-up market

I bought a nice hairpin from one of the designers.

A Sunday afternoon spent at the pop-up christmas market at Green Park station where the beloved farmers market takes place every Saturday. Now it seems there are different markets there every Sunday as well.. which we don't hate!

Eyþór indulged in a marshmallow-filled hot chocolate, I had a toffee muffin and we played cards on a table while people-watching and enjoying the sun.

Laugardagur í London: Camden

Fórum á æðislegan stað í Camden og fengum okkur Mohito. Sjáið ljósin hér að ofan, svo  fallegt!

Löbbuðum svo í gegnum matarmarkað þar sem þessar ansi stóru pylsur voru til sölu, sem og þessi girnilegi laukur..

Hafið heyrt um Churros? Þetta er djúpsteikt S-amerískt góðgæti (líka vinsælt á Spáni&Portúgal) sem ég hafði séð á matarbloggum og var forvitin að prófa. Við Bergey fengum okkur einn skammt saman bæði með karamellu og súkkulaði... þetta var himneskt!

Svo fengum við okkur jafnvel eins og eitt glas af Sangriu.. fyrst við vorum í suðrænum gír ;)

Við enduðum svo daginn á ljúffengri máltíð á tælenskum stað þar sem þeir eru með BYOB (Bring your own booze) policy. Það er víst ekki óalgengt að sumir (litlir) veitingastaðir bjóði fólki að mæta með sitt eigið áfengi því vínveitingarleyfið er dýrt. Við fögnuðum því með einni hvítvín úr hverfisbúðinni..

Laugardagur í London: Portobello Market

Halló halló!
Nú er ég búin að búa í Bath í eina viku og mér líst bara asskoti vel á borgina, skólann og samnemendur mína. Er búin að fara út með myndavélina og taka helling af myndum sem ég mun setja á bloggið á næstunni. Er að spá í að jafnvel hafa bloggið á ensku fyrst ég mun tala ensku alveg næsta árið og sennilega bara kynnast enskumælandi fólki. 

Ég flaug til London á föstudeginum fyrir viku. Flugið var ansi skemmtilegt þar sem það var verið að taka upp tónlistarvídjó fyrir Steindann okkar. Framleiðandinn bað mig um að koma og sitja fremst þannig að það sést glitta í stelpuna í 1 sek. í nýjasta tónlistarmyndbandinu....haha.

Bergey var svo indæl að leyfa mér að gista hjá sér tvær nætur í London þar sem mig langaði að eyða laugardeginum í stórborginni áður en ég færi til Bath. Við gerðum helling, fórum á Portobello Market, á túristastaði og lukum deginum tipsy í Camden...semsagt, virkilega góður dagur.

Litla linsan var með í för allan daginn þar sem ég elska að skoða alls konar smáatriði og þau eru sko útúm allt í skemmtilegu hverfunum í London. Það er ekki eðlilegt hvað ég fæ mikinn valkvíða hvaða myndir ég á að velja til að setja hingað inn þannig að þið fáið bara slatta (svona til að bæta upp fjarveruna á meðan ég var að koma mér fyrir í Bath). 

Fyrri helmingi dagsins var semsagt eytt á Portobello Market sem er víst "world's largest antique market" samkvæmt google, enda fannst okkur hann endalaus!

Við fengum okkur mat frá Venezuela, hefðbundna "samloku" sem heitir Arepa. Svaka góð!

T.d. elska ég þessa litlu fána, smáatriði sem gerir götuna svo miklu skemmtilegri.

Sama með þessi ljós. Í framtíðinni langar mig í lítinn bakgarð með svona ljósum hangandi.

Þessi sjón var það fyrsta sem blasti við okkur á markaðnum. Varð að smella af, þau voru svo innileg úti á miðri götu..

Cupcakes frá The Hummingbird Bakery

Örugglega notalegt að enda daginn á yoga í almenningsgarðinum...