Og þá kom snjórinn..

Við vorum farin að halda að við slyppum við veturinn, en hingað til hefur veðrið hér í Berlín verið fáránlega gott og enginn vetur til að tala um. Þangað til núna í síðustu viku en þá byrjaði að snjóa og frostið fór niður í -10 gráður eða svo. Ég verð að segja að borgin er mun fallegri sveipuð þessari hvítu hulu heldur en í grámyglunni sem einkennir Berlínarveturinn. Veðrið gefur okkur líka tækifæri á því að klæðast öllum þeim hlýja, íslenska fatnaði sem við tróðum í ferðatöskurnar og fengum í jólagjöf. 

Við tókum rölt um hverfið okkar um daginn en við búum semsagt í Prenzlauer Berg. Í hverju hverfi eru svo til óopinber heiti á minni svæðum hverfanna, en þýska orðið er Kiez (eða "hood" eins og ég vil kalla það). Við búum í Kollwitzkiez og erum afar ánægð með þetta litla hverfi okkar, enda hefur það mikið upp á að bjóða. 

 Gatan við hliðina á okkar er ein af mínum uppáhalds. Frá henni má sjá glitta í Sjónvarpsturninn og einnig gamla Vatnsturninn. Þar eru eru líka tvö af allra uppáhalds kaffihúsunum okkar í borginni.

Með tófú sem keypt var á markaðnum.

Fyrstu vikuna í janúar sátum við fjölskyldan hér úti og borðuðum morgunmat.

 Í götunni okkar er stór trjádrumbur þar sem búið er að gera hólf fyrir bækur. Þarna fá gamlar bækur nýtt heimili.

Ennþá má sjá jólatré á gangstéttum.

 Við enduðum göngutúrinn á uppáhalds kaffihúsinu okkar, No Fire No Glory.

 Kaffibollinn er fullkominn og ástralska hermannakakan er ótrúlega góð líka, en ég gerði einmitt svona kökur ansi oft á Grettisgötunni þegar ég var að taka mín fyrstu skref í eldhúsinu (með hjálp Café Sigrúnar).

Að sjálfsögðu var hundur á kaffihúsinu, það bregst ekki hér í Berlín.

Alki Beach/West Seattle

Þessi vika hefur verið mjög næs þar sem sólin ákvað að láta sjá sig og svo er þægilega hlýtt úti. Það er brjálað að gera í lokaverkefnum í skólanum (allir tímar búnir) þannig að við erum inni að læra og vinna mestallan daginn en tökum okkur allavega 2-3ja tíma pásu til þess að fara út og leika okkur aðeins í borginni! Það er svo stuttur tími eftir að við erum að reyna að gera sem mest, svona meðfram heimavinnunni.. 

Við kíktum til West Seattle fyrr í vikunni sem er hverfi alveg hinu megin við miðbæinn. Við röltum meðfram ströndinni, fengum okkur víetnamskan mat og horfðum á fólk spila blak og grilla smores. 

 Djöfull brá mér þegar ég labbaði yfir þetta fyrst..hjólabuxurnar björguðu mér alveg.. ;)

 Fullt af high school krökkum, sennilega að fagna komandi útskrift.

 Æðislegt útsýni frá vesturhluta borgarinnar (eins og víðast hvar í borginni reyndar)

 (Ókunnugt fólk er ALLTAF að bjóðast til þess að taka mynd af okkur saman..)

Rainy day on Capitol Hill

Þessar myndir sýna ekki beint raunveruleikann eins og hann er í dag og hefur verið undanfarna daga. Veðrið er búið að vera fáránlegt, sól og á milli 20-28 stiga hiti. Það þýðir því ekkert annað en að taka skólabækurnar með sér og leggjast á teppi í einum af görðunum hér í borginni. Við erum svo heppin að búa rétt hjá tveimur görðum sem báðir eru við vatnið (Lake Washington), Magnuson Park og Matthews Beach en við eigum þó eftir að prófa fleiri skemmtilega garða. 

Ég á fullt, fullt af myndum á lager frá undanförnum vikum en þar sem myndasnillingurinn minn skaust aðeins til Íslands þá þarf ég víst sjálf að kíkja á myndirnar og setja þær í réttar stærðir osfv. Það er alltaf mikið að gera í skólanum og þegar veðrið er svona gott þá fer myndadúllerí aftast á listann yfir það sem ég þarf að gera.. þið skiljið :)

Við fórum einn týpískanrigningardaginn í "hipstera" hverfið í borginni, Capitol Hill og fengum okkur að borða á afar áhugaverðum stað. Síðan röltum við á Melrose Market sem er markaður innandyra sem selur fína osta, kjöt, blóm og er með einhverja svaka góða veitingastaði sem við höfum þó ekki prófað.

Kalkúnasamloka með trönuberjasósu að sjálfsögðu..

Cajun Tator Tots.

Six Arms - skemmtilega öðruvísi veitingastaður.

Melrose Market

Skemmtileg ljós

Greyið strákurinn minn sem fékk liggur við heilan mánuð af rigningu og er núna heima á Íslandi á meðan það er Floridaveður í Seattle..

Random símamyndir

Í dag hef ég sjaldan verið jafn spennt að vera að flytja til útlanda (bara vika í þetta!!).. sit heima, búin að kveikja á kertum og er að bíða eftir þessum úr ofninum. Annars eru hér nokkrar myndir úr iphone-inum sem (flestar) hafa ekki ratað á instagram. Ég mun vera miklu duglegri á instagram þegar ég flyt til Seattle, get ekki beðið eftir nýju myndefni! (ef þið viljið followa þá heiti ég valgerdurbjork þar)

 Við Eyþór gáfum tengdamömmu konudagsblóm.

 Nýjasti desertinn á Sushisamba, mæli hiklaust með! (heitir Súkkulaðimanía minnir mig)

Göngutúr um gamla bæ Keflavíkur.

Frænkuboð hjá mömmu.

Karamellulatte og Der Spiegel. "Þýski draumurinn" í haust fyrir okkur Eyþór ;)

Fallega stofan í Austurbæjarbíó.

Kokteilakvöld!! Þetta var minn: Hindberja og jarðaberja mohito.

Svona er útsýnið mitt þennan snjódaginn :)

Random símamyndir

Eins og ég hef nú þegar tekið fram hér hef ég verið afar léleg á myndavélinni en hér eru random símamyndir frá undanförnum mánuði.

Ég bakaði kúrbítsbrauð. Mér fannst það æði og borðaði það í morgunmat á hverjum morgni í svona viku og fékk aldrei leið á því! Mjög svo seðjandi og í hollari kantinum, viljiði uppskrift? :)

Ótrúlegir hlutir gerast. Við fórum á kaffihúsadeit...í Njarðvík!

Ólöf Hera vann mig í Jóakim Aðalönd spilinu.

Uppáhalds "smá"kakan (akkúrat ekkert smátt við þessa köku) mín og chai latte. Mæli með þessari súkkulaðibitaköku á Glætunni bókakaffi á Laugaveginum.

Svo hressandi að taka í kústinn á morgnana og renna honum yfir bílinn.. eins og maður sé ekki nógu duglegur að drulla sér í ræktina kl.10 á laugardagsmorgni (jebb, fyrsta ræktarmontið á þessu bloggi.. þau verða ekki fleiri, lofa!)

Amma mín með tískuna á hreinu, í rauðum blúndubol með svart loð um hálsinn (hún er sennilega ansi hneyksluð á öllum þessum matarmyndum í þessari færslu...hún skilur ekkert í því hvað fólk er alltaf að taka mynd af matnum sínum - "ertu alltaf borðandi krakki!??")

Guðdómlegar íslenskar pönnukökur með nutella og rjóma á Cafe París.

Við Ólöf Hera fórum út að leika í snjónum.