Kjúklingur með kex-raspi

Jæja þá er ég komin heim frá London og myndir frá þeirri ferð og Brussel ferðinni eru eitthvað óþægar.. þær nenna ekki að lóda sér inní tölvuna mína. Myndavéla, kortalesara, korta og linsustússið er mikið á mínu heimili þannig að þessir hlutir fara oft á fleygiferð sem þýðir að stundum lóda ég ekki inn myndum fyrr en löngu eftir að þær eru teknar.. En þetta kemur allt saman á endanum.


Að öðru -Namm hvað þessi kjúllaréttur er góður! Djúsí og fáránlega einfaldur.
Ég gerði hann um páskana uppí sumarbústað þar sem ég eyddi helginni með þremur strákum og tveimur á unglingsaldri og þeir borða ekkert hvað sem er... Þetta er því ekki hollasti rétturinn í bókinni en svona ekta laugardags þegar maður vill tríta sig :)


Þetta er í rauninni engin uppskrift en hér eru allavega innihaldsefnin, hversu mikið þið viljið nota af hverju fer algjörlega eftir smekk.


Kjúklingur með kex-raspi
Kjúklingabringur
Mango Chutney 
Mexíkó ostur
Ostakex með chilibragði (fæst t.d. í Bónus og Hagkaup í bláum pakka) eða bara Ritzkex


Gott er að byrja á því að krydda bringurnar með kryddi að smekk. Síðan smyrja þær vel með mango chutney í eldföstu móti. Mexíkó osturinn er rifinn yfir bringurnar. Því næst er kexið mulið yfir.
Inní ofn á 180 í um 25 mín minnir mig, ég er aldrei með neinn fastan tíma..


Rosa gott að hafa sætar kartöflur og salat með.


Guten Appetit!

Fyllt paprika með bulgur

Hafið þið smakkað bulgur?

Þær eru ótrúlega góðar og einfaldar að elda.

Þetta er svona mitt á milli kúskús og hrísgrjóna en stútfullt af góðri næringu.

Bulgur eru þekktar í Mið-Austurlöndum en eru að skapa sér vinsælda hér á landi miðað við úrval og uppskriftir á netinu allavega..

Bulgur eru trefjaríkar, próteinríkar og heldur kaloríusnauðar miðað við t.d. hrísgrjón.

Ef þið hafið áhuga á að lesa meira um þessa snilld, gjörið svo vel.

Eldunaraðferðin er mér að skapi, ég setti 2 dl af bulgur (ég keypti brúnar en ekki  hvítar) í skál, sauð vatn í vatnshitara en setti einn grænmetis - og einn kjúklingatening útí vatnshitarann áður. Síðan hellir maður 4 dl af vatninu út á og hylur þetta með álpappír. Það tekur bulgur um 20 mín að vera tilbúnar. Algjör snilld þar sem maður þarf ekkert að fylgjast með hvort þetta sé að brenna við eða ofsjóðast..

Ég hef gert bulgur á tvennan hátt og ætla að deila með ykkur gumsi sem ég bjó til. Ég hef semsagt gert tvær fyllingar í papriku og grillað hana svo.

Það er vel hægt að nota þetta sem meðlæti eða aðalrétt og þá er þetta svipað og t.d. risotto.

Fylling 1:

2 skallottulaukar

4 hvítlauksrif

- þeta steikt á pönnu og kryddað með cumin, salti og pipar.

Smátt skornum sveppum bætt við á pönnuna og steikið þá (magnið var kannski 3/4 af sveppakassa)

Þessu blanda ég svo við bulgurnar þegar þær eru tilbúnar og svo setti ég valhnetur út á í lokin sem mér fannst algjört must.

Fylling 2:

2 skallotulaukar

4 hvítlauksrif

- þetta steikt á pönnu og kryddað með karrí, basil, salti og pipar.

hálf sæt kartafla, skorið í litla teninga

2 tómatar, saxaðir

handfylli af ristuðum furuhnetum

- þessu er svo bætt við á pönnuna og kryddað smá meira með basil. 

Svo er þessu blandað við bulgurnar og troðið inn í eins og eina fallega rauða papriku sem búið er að skera "lokið" af.

Paprikan er sett inn í ofn og elduð í um 40 mínútur, mér finnst gott að hafa hana vel mjúka.
Annars væri örugglega gott að sleppa því að elda hana og hafa hana bara ferska.

P.s. eruði að grínast hvað skallottulaukur er góður!? Keypti hann í fyrsta skipti um daginn og hann er ótrúlega bragðgóður! Mæli með að þið prófið :)

Pierogi gerð

Ég hef mikinn áhuga á fjölmenningarlegri matargerð og var ekki lengi að játa þegar mér var boðið að útbúa pierogi þjóðarrétt Pólverja með Tomas. Tomas býr í Keflavík þar sem hann er háskólakennari og deildarstjóri í Keili og kærasta hans hún Helena er portúgölsk og vinkona mín.

Tomas hefur gaman af því að leika sér í eldhúsinu eins og ég og hefur nokkrum sinnum gert pierogi frá grunni en mamma hans og amma gera þetta þegar von er á góðum gestum enda tekur þetta um 4 tíma, að gera allar fyllingarnar og fylla hvert einasta stykki. Tomas sagði að það tæki því ekkert að byrja á þessu ef við gerðum ekki slatta og því enduðum við með 200 stykki sem ég á ennþá inn í frysti.

Deigið er bara úr hveiti, eggjum, salti og sjóðandi vatni.

 

Fylling 1: Tómatar (niðursoðnir), rifinn mozarella og stappaðar kartöflur (plús pipar, oregano & basil)

 

Fylling 2: Hvítur ostur (algengur í Póllandi - svipað og rjómaostur), stappaðar kartöflur og svissaður laukur.

 

Fylling 3: Svínahakk, svissaður laukur og hvítlaukur (fest saman með eggi)

 

Fylling 4: Spínat, svissaður laukur, hvítlaukur og gráðaostur.

Deigið er hnoðað, flatt út og skorið út í hringi sem fylltir eru með gumsinu.

Tilbúið til að fara í pottinn og soðið í örstutta stund.

Engin sósa er borin fram með þessu en smátt skorið beikon er hins vegar algengt meðlæti. Mér finnst líka rosa gott að setja ólífuolíu út á og parmesan ost.

Pólsk kaka var í eftirrétt, öðruvísi en við eigum að venjast en ótrúlega góð.