Gas Works Park

Gas Works Park er eiginlega einn af allra uppáhalds stöðunum mínum í Seattle. Stemningin þarna á fallegum degi er varla hægt að lýsa, allavega á þessu föstudagseftirmiðdegi sem við eyddum í garðinum var fólk í picnic, að æfa sig á jafnvægisbandi og svo var utandeildin í "kickball" með mót. Það voru allir ánægðir með góða veðrið og þetta ryðgaða ferlíki í miðjum garðinum er bara sjarmerandi þó það passi ekkert inn í umhverfið..

Við lágum í grasinu í góða stund og horfðum yfir vatnið, til miðborgarinnar og fengum bæði þessa tilfinningu hvað við værum ótrúlega ánægð að hafa fengið tækifæri til þess að búa í þessari æðislegu borg.

Sorry með myndaflóðið en þetta er bara svo yndislegur staður!

Aqua Verde

Aqua Verde er mexíkanskur veitingastaður rétt fyrir neðan skólann minn, við vatnið. Á mánudögum til fimmtudags er happy hour sem er algjör snilld, margarítur og alls konar mexíkanskir réttir á góðu verði.

Við kíktum einn fimmtudaginn eftir skóla og það var æðisleg stemning, troðfullt og röð útúr dyrum vegna góða veðursins.

Staðurinn er einnig með bátaleigu, þar er hægt að leigja kayak og canoe.

Fallegar margarítur (aðeins of sterkar fyrir minn smekk en jæja...)

Hversu mikill töffari getur ein lítil stelpa verið?? :)

 Það eru víst fleiri hundar en börn í Seattle.

Alltaf að snappa!

Skólaliðið á æfingu.

Pioneer Square & China Town

Hér eru nokkrar myndir frá rölti okkar um tvö hverfi niðri í bæ, Pioneer Square og China Town. Þegar við ferðumst og búum á nýjum stöðum þá langar okkur helst að skoða viðkomandi borg eins og hún leggur sig. Þess vegna erum við að reyna að skoða sem flest (spennandi) hverfin í borginni á þessum stutta tíma sem við erum hér. Við vorum ekkert svakalega hrifin af þessum hverfum en China Town er yfirleitt frekar "shabby" en ég hélt þó að það væri líflegra hverfi eins og maður sér í bíómyndunum... :)

 Century Link Field, heimavöllur Seattle Seahawks sem er football liðið hér í borg.

 Það er alltaf verið að vingast við afgreiðslufólk vintage búða. Þessi býr í hálfgerðri kommúnu með 32 öðrum einstaklingum í húsi sem áður var geðsjúkrahús. Hann bauð okkur í heimsókn, þurfum að fara að tjekka á því.. :)

 Eyþór á einu af mörgum torgum í Pioneer Square hverfinu.

 Welcome to China Town.

 Svona líta flestar búðirnar út í China Town. 

Kínahverfið að skarta sínu fegursta...

 Við fórum á ótrúlega góðan fínni samlokustað - Delicatus.

Dinner at the Burke house

Okkur var boðið í mat heim til Erics eitt laugardagskvöldið sem endaði á því að vera eitt skemmtilegasta kvöld sem við höfum upplifað í langan tíma. Ég þekki Eric í gegnum sameiginlega vini frá high school og við Edda Rós hittum hann á Íslandi þegar hann ferðaðist einn um landið okkar í rúman mánuð á puttanum fyrir nokkrum árum.

Hann bauð okkur Eyþóri í mat og við áttum gott kvöld með foreldrum hans og sambýlingum í húsinu þar sem einnig búa kjúklingar og kanínur í bakgarðinum. Við fengum að kíkja á dýrin og gefa þeim að borða og svo var spjallað langt fram á nótt yfir góðum mat og hvítvíni.

Þetta var einnig kveðjustund þar sem Eric flutti til Kazakhstan nokkrum dögum seinna en konan hans býr þar. Þau eru að fara gifta sig í Kazakhstan í sumar og eru búin að fá brúðargjöf frá foreldrum hennar, 10 lömb! Okkur er boðið í brúðkaupið og við erum að spá hvort við eigum ekki bara að splæsa í ferð til Kazakhstan í ágúst.. ;) 

Það er afar skemmtileg stemning í hverfinu. Af og til eru götupartý og þá hafa nágrannarnir fengið leyfi til þess að mála á götuna.

Algjör hlunkur þessi kanína :)

Litlir kanínuungar! Hef aldrei séð slíka áður.

Kjúklingarnir voru hressir.

Við fengum skemmtilegan hrísgrjónarétt, svipað og paella, með önd sem hafði áður verið í bakgarðinum þeirra!

Eric að æfa sig að tala íslensku.

Suzzallo library reading room

Hér er ég í dag, í aðal lesrými Suzallo bókasafnsins á campus að lesa heimildir fyrir ritgerð um mismunandi lýðræðisvæðingaraðferðir sem Bandaríkin og Evrópa nota í löndum sem tilheyrðu Sovétríkjunum. 

Við tókum þessar myndir fyrir nokkrum vikum þegar Eyþór kom með mér í skólann að læra en hér eru allar byggingar og bókasöfn opin almenningi (nema á kvöldin). Þetta lesrými er víst kallað "The Harry Potter Room" af nemendum. Það er mjög góð aðstaða til þess að læra víðast hvar á campus og þetta lesrými er aldrei fullt. Eins og þið sjáið hér var það algjörlega tómt þennan daginn! En þetta var á laugardegi og yfirleitt er campusinn svakalega rólegur á laugardögum og byggingarnar opna ekki fyrr en á hádegi. Hins vegar er bókasafnið fullt á sunnudagskvöldum.. þessir unglingar ;)

Stærsta bók í heimi!

Rainy day on Capitol Hill

Þessar myndir sýna ekki beint raunveruleikann eins og hann er í dag og hefur verið undanfarna daga. Veðrið er búið að vera fáránlegt, sól og á milli 20-28 stiga hiti. Það þýðir því ekkert annað en að taka skólabækurnar með sér og leggjast á teppi í einum af görðunum hér í borginni. Við erum svo heppin að búa rétt hjá tveimur görðum sem báðir eru við vatnið (Lake Washington), Magnuson Park og Matthews Beach en við eigum þó eftir að prófa fleiri skemmtilega garða. 

Ég á fullt, fullt af myndum á lager frá undanförnum vikum en þar sem myndasnillingurinn minn skaust aðeins til Íslands þá þarf ég víst sjálf að kíkja á myndirnar og setja þær í réttar stærðir osfv. Það er alltaf mikið að gera í skólanum og þegar veðrið er svona gott þá fer myndadúllerí aftast á listann yfir það sem ég þarf að gera.. þið skiljið :)

Við fórum einn týpískanrigningardaginn í "hipstera" hverfið í borginni, Capitol Hill og fengum okkur að borða á afar áhugaverðum stað. Síðan röltum við á Melrose Market sem er markaður innandyra sem selur fína osta, kjöt, blóm og er með einhverja svaka góða veitingastaði sem við höfum þó ekki prófað.

Kalkúnasamloka með trönuberjasósu að sjálfsögðu..

Cajun Tator Tots.

Six Arms - skemmtilega öðruvísi veitingastaður.

Melrose Market

Skemmtileg ljós

Greyið strákurinn minn sem fékk liggur við heilan mánuð af rigningu og er núna heima á Íslandi á meðan það er Floridaveður í Seattle..